এই পৃষ্ঠাটোৰ বৈধকৰণ হৈছে
৫০
পদ্যাৱলী।
(৩)
হঠাতে প্ৰচণ্ড জুয়ে, বেঢ়িলে জাহাজ,
নুমাবৰো কাৰো সাধ্য নাই,
হাহাকাৰ কৰি সবে, প্ৰাণৰ ভয়ত,
পাৰলৈ আহিল পলাই।
( ৪ )
নাথাকিল কোনো হায়! কেৱলে লৰাটি,
পালিব জীৱন মহ’ব্ৰত,
মৃত-পিতৃ-শয্যা পাশে, থাকিল নিচুকি,
জ্বলন্ত জাহাজ ওপৰত।
(৫)
বায়ু অনুকূলে ঘোৰ, অগনিৰ শিখা,
বেঢ়িলেহি দিশ্ পোহৰাই,
তথাপি বীৰৰ তেজে, এই বীৰ লৰা,
ৰল একে ভাবে-সেই ঠাই।
(৬)
যদিও বিপদে আহি, চাপিছে ওচৰ,
তথাপি সি এৰি জনকক,
বিনা আদেশত তাৰ, তুচ্ছ প্ৰাণ লৈ,
প্ৰতিজ্ঞা, সি নাযাব পাৰক।
