এই পৃষ্ঠাটোৰ বৈধকৰণ হৈছে
৩৫
পদ্যাৱলী।
(১০)
শুনো বোলে ৰাম, সূৰ্য্যবংশধৰ,
ভ্ৰাতা, ভাৰ্য্যা সঙ্গে কৈ,
পিতৃ-সত্য-হেতু, আহি অৰণ্যত,
চতুৰ্দ্দশ বৰ্ষ লৈ :-
( ১১ )
পঞ্চবটী বনে, তপস্বীৰ বেশে,
আছিল কুটীৰ কৰি,
তাৰে পৰা তাৰ, প্ৰিয় ভাৰ্য্যা সীতা,
ৰাৱণায় নিলে হৰি।
( ১২ )
পিছে সীতা খুজি, আহোঁতে দুভায়ে,
ঋষ্যমুখ পৰ্ব্বতত,
সুগ্ৰীৱেৰে ৰামে, কৰিলে মিত্ৰতা,
ৰাখি অগ্নি সমুখত।
( ১৩ )
মোৰ মনে ধৰে, এই দুই ভাইয়ে,
কৰিছে সহায় তাক,
ই কাৰণে নাথ! এৰা যুদ্ধ সাজ,
শুনা অধিনীৰ হাক।
