এই পৃষ্ঠাটোৰ বৈধকৰণ হৈছে
১২০
পদ্যাৱলী।
(১৭ )
ধ্বনিল কানন, কুঞ্জ, পৰ্ব্বত-কন্দৰ, •
‘কুউ’ ‘কুউ’ পঞ্চম সুৰত,
ৰিব্, ৰিব কৈ বলি, সুগন্ধ বতাহ,
দিলে শান্তি জীৱ পৰাণত।
( ১৮ )
জগ-জীৱ মোহ গল, পালে নৱ প্ৰাণ,
পাহৰি হিয়াৰ তাপ-দুখ,
তৰু, লতা, নৱ পাতে, উপচি পৰিল,
প্ৰকৃতি দেখিলে সুখ-মুখ।
( ১৯ )
উঠিল আনন্দ-ধ্বনি, বিশ্ব খলকাই,
পাই নৱ বসন্ত আশ্বাস,
গালে জীৱ বিভু-গান, কৃতজ্ঞ অন্তৰে
সাঁচি হৃদয়ত নৱ আশ।
( ২০ )
বিৰহ-মিলন দুটা, নিয়তিৰ ক্ৰম,
দুয়োটাৰে এৰা এৰি নাই,
নহলে এটাতে এনে, মধুৰতা ভাৱ,
কদাচিতে বিচাৰি নাপায়।
