এই পৃষ্ঠাটোৰ বৈধকৰণ হৈছে
ঈশ্বৰ ভক্তৰ উক্তি।
( ১ )
যিটে বিজ্ঞ, যাঁৰ ৰূপ আত্মাৰ স্বৰূপ,
অনন্ত কালতো যাঁৰ নহয় বিৰূপ।
সজ আলোচনা যাঁৰ সত্য প্ৰতিৰূপ,
আকৃতি যিটোৰ সৰ্ব্বব্যাপী ব্যোমৰূপ।
( ২ )
সুগন্ধ, সুবাস, ইচ্ছা আৰু সজগুণ,
ই সকলো যাৰ ঠাই নোহে তিল উন;
যিটো বাক্য উচ্চাৰণ নকৰে কাচিত,
সুৰাসুৰে পূজে যাক হৈ এক চিত।
( ৩ )
তেৱেঁ মোৰ অন্তৰৰ আত্মা অনুৰূপ,
তেৱেঁই সাক্ষাৎ পৰম্ ব্ৰহ্মৰ স্বৰূপ।
ভৱধাম খেলা সাঙ্গ হব যি সময়,
তেৱেঁই তেতিয়া মোৰ অকল আশ্ৰয়
⸺
দ্ৰোণ-দ্ৰুপদ-সংবাদ।
ফুলে ফলে পৰিপূৰ্ণ নন্দন উপম,
অতি মনোৰম দিব্য ভৰদ্বাজাশ্ৰম
