পৃষ্ঠা:পদ্যাৱলী.pdf/১১০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১৩৫
পদ্যাৱলী ৷

 ( ৫ )
সত্যৰ কাৰণে ‘নল’ ‘শ্ৰীবৎস’ ৰাজন,
ভুগিলে যিমান দুখ নাযায় বৰ্ণন।
জগত প্ৰসিদ্ধ ‘হৰিশ্চন্দ্ৰ’ মতিমান,
‘বিশ্বামিত্ৰ’ হাতে পালে লাঞ্ছনা কিমান!
 ( ৬ )
সত্য ৰক্ষা হেতু ‘কৰ্ণ’ অঙ্গৰ ঈশ্বৰ,
পুত্ৰ মুণ্ড কাটি পূজে পদ ব্ৰাহ্মণৰ।
‘ভীষ্মদেৱ’ পিতৃ-মন সন্তুষ্ট কাৰণ,
পালিলে কুমাৰ ব্ৰত এৰি ৰাজাসন!
 ( ৭ )
সত্যবাদী, জিতেন্দ্ৰিয় ৰাজা ‘যুধিষ্ঠিৰ’,
‘কুৰুৰ’ হাতত পালে যাতনা সুধীৰ।
‘সৌৱলৰ’ পাশাত সৰ্ব্বস্ব এৰি দিলে,
তথাপিটো সত্য পথ কাচিতো নেৰিলে।
 ( ৮ )
সত্য বাট ধৰি যিটে জীৱন নিয়াই,
ইহ-পৰকাল তাৰ কতো কষ্ট নাই।
কোনো গুণ নোহে এই সত্যৰ ওপৰ,
সত্যতে মুকুতি পদ তিনিও লোকৰ।