এই পৃষ্ঠাটোৰ বৈধকৰণ হৈছে
৯৫
পদ্যাৱলী।
শ্ৰীৰামক বঞ্চি যদি ৰাজ্য বাঞ্ছো মই,
ইহ পৰকাল নষ্ট শিৱৰ দোহাই!”
সন্তোষ।
( ১ )
ৰাজাৰ সুখৰ পুৰী, দুখী ভগা ঘৰ,
বন, উপৱন, মৰু, পৰ্ব্বত-টিঙত,
মৰিশালী শয়নত, বিয়োগী জনৰ;
প্ৰণয়ী জনৰ প্ৰীতি-সুখ মিলনত।
(২)
ঐশ্বৰ্য্য-বিভূতিশালী নৃপতি হৃদয়,
ছিন্ন-বস্ত্ৰ সমাবৃত ভিক্ষুকৰ ঠাই,
বিচাৰি ফুৰিলোঁ আজি সকলোতে মই,
প্ৰকৃত সন্তোষ নৰে ক’ত গলে পাই৷
(৩)
দেখিলোঁ বিচাৰি কতো, ত্ৰিতল বিহাৰী,
কলা ঘুমটিত থাকি, আধা নিশা হায়।
চাটি-ফুটি কৰি ভাব সাগৰত পৰি,
শান্তি-প্ৰদ সুখ-নিশা, দুখতে কটায়।
(8)
মনৰ বেজাৰে কতো, এৰি সুখঘব
ছিঙি প্ৰণয়ৰ জৰি, আপোনা হেৰাই।