এই পৃষ্ঠাটোৰ বৈধকৰণ হৈছে
৫৮
দহজনী নাৰী মোৰ সৰ্ব্বগুণে সাৰ।
সাজেকত লাগে মাছ দশ কুৰি ভাৰ॥
ঘৰে ঘৰে মেলি থৈছোঁ মাহ কালাৰ ধাৰে।
সাধিবাক গলে কন্যা ভাঙ্গে গাল চৰে॥
ইৰিণাৰ ঘৰ কন্যা বিৰঙ্গাৰ বেৰা।
তাতে ঘুমাই লেখি থাকোঁ সৰগৰ তাৰা॥
গন্ধ পানী লাৰি চাৰি গন্ধ পানী খাবি।
বাৰিষাৰ ছয় মাস কন্যা পানীক নেযাবি॥
এক পলিত হাগো কন্যা এক পলিত খাওঁ।
এক পলিত আহি কন্যা বেদ মন্ত্ৰ চাওঁ॥
বেউলাই বোলে গধা বেটাৰ চক্ষুহোক নাশ।
যেই চক্ষু চাই মোক কৰে উপহাস॥
বেউলাৰ বচনে গধাৰ চক্ষুত ধৰিলা বিষ।
বাটত যাইতে গধাই নাপাই উদিশ॥
জাম্প দিয়া পৰে গধা জলেৰ ওপৰে।
গধানী ধৰিয়া তুলে পাৰৰ ওপৰে॥
নক্ষত্ৰৰ সঞ্চৰে বেউলাৰ ভেলৰ চলন।
হেলা মেলা গধাৰ পাকে দিলা দৰশন॥
সুকবি নাৰায়ণ দেবৰ সৰস পাছালী।
হেলা মেলাৰ কথা বুলি একই লেছাৰী॥
⸻
