এই পৃষ্ঠাটোৰ বৈধকৰণ হৈছে
৫৪
চোৰ ধৰ্ম্ম ধৰি তই চুপিয়া থাকিবি।
গৃহস্থে দেখিলে মাত্ৰ লৱৰি পলাবি॥
জন্মৰ লঙ্গটা তোৰ নহব বসন।
মৃতকৰ তেজ মাংস কৰিবি ভক্ষণ॥
সুকবি নাৰায়ণ দেৱৰ সৰস পাছালী
শিয়ালীৰ কথা বুলি এক যে লেছাৰী॥
⸻
দিহা:―— (এ হে হে) শৃগালী বোলে বেউলা শুন
কথা মন দিয়া।
পদ— মৰা খাইবাক লাগি স্ৰজিলা বিধাতা।
তুমি উপহাস কৰা হুই পতিব্ৰতা॥
বেউলা বোলে হয় তই মৰাৰ অধিকাৰ।
ইটো মৰা নুজুয়াই তই খাইবাৰ॥
মৰা স্বামী সঙ্গে মই দেৱপুৰে যাইবো।
হৰষিত হৈয়া মই প্ৰভুক জীৱাবো॥
শিয়ালে বোলে বেউলা শুনহ বচন।
শান্তী কন্যা হৈ মিছা মাতা কি কাৰণ॥
ছয় মাস লাগিব যাইতে দেবপুৰ।
মাংস সব খসি লখাইৰ হাড়া হৈব চুৰ॥
