এই পৃষ্ঠাটোৰ বৈধকৰণ হৈছে
৪৫
জলে ফেলি লখিন্দৰে তই যাবি তাৰ ঘৰে
খাইব বাচাক শৃগাল শগুণে॥
শুনিয়া সোনাৰ বাণী বেউলা কহিলা পুনি
আমাৰ সত্য কেবা নষ্ট কৰে।
যেবা বোলে লঘু হীন তাৰ নাই শুভ দিন
শাপি নষ্ট কৰিম তাহাৰে॥
ছয় জাক মাতি আনি কহিতে লাগিলা বাণী
তোমাসবে নাভাবিবা দুখ।
তুষ্ট হুয়া বিদায় দিয়া যাওঁ মই প্ৰভু লৈয়া
সকলে দেখিবা প্ৰভুৰ মুখ॥
বিয়াৰ ৰাত্ৰি হৈয়া বাৰি ভয় লজ্জা পৰিহৰি
অভাগিনী যাওঁ দেৱপুৰে।
নাৰায়ণ দেৱে কয় সুকবি বল্লভ হয়
কহে দেবী মনসা কিঙ্কৰে॥
দিহা:―—(এ হে ৰে হা) ইবাৰ তাৰিয়ো ভগবান ও হৰি
নাজানো কিমতে পৰিত্ৰাণ।
পদ—— শাহুৰীৰ আগে বেউলা বুজিয়া প্ৰকাৰ।
পৰীক্ষা ৰাখিয়া যাইবো সত্য বুজিবাৰ॥
এক তোলা তৈলতে ছয় মাহ জলে বাতী।
তথাপিতো নুটুতিব তেল এক ৰতি॥
