এই পৃষ্ঠাটোৰ বৈধকৰণ হৈছে
৪০
দিহা :—— (অ এ হে) বেউলা বোলে শুন মালি কহো
তোমাৰ ঠাই; ভেল বান্ধি দেহ মোকে প্ৰভু লৈয়া
যাই।
পদ—— ছয় মাহ ভাসিবো মই জ্বলেৰ ওপৰে।
ভাল মতে ভেল বান্ধি দেহটো আমাৰে॥
বেউলাৰ বচনে মালি চলিলা সত্তৰে।
খুজিলেক কল চন্দ্ৰধৰৰ গোচৰে॥
চন্দ্ৰধৰে বোলে মোৰ মৰিল সাতবেটা।
তাহাত অধিক একডাল কল গৈলে কাটা॥
একডালি কলে পাও দশ বিশ কৰি৷
কলক বেচিয়া ধন থৈব যত্ন কৰি॥
কলক বেচিয়া ধন যত্ন কৰি থৈব।
বৃদ্ধ সময় ধন ভাঙ্গি চিঙ্গি খাইব॥
শহুৰৰ মুখে শুনি নিষ্ঠুৰ বচন।
আপোনাৰ হাতৰ খসাই দিলেক কঙ্কন॥
কঙ্কন দেখিয়া বোলে চান্দ অধিকাৰী।
কদাচিতো বধূ মই তোমাক নেদো চাৰি॥
সাপে খোৱা বেটাৰ তৰে।
দয়া নাইকা মোৰে॥
শিলা বান্ধি ফেলে দেহ গুঞ্জৰি সাগৰে॥
