এই পৃষ্ঠাটোৰ বৈধকৰণ হৈছে
দিহা :—― (ঐ আৰে) উঠ কমলমুখী জাগ প্ৰিয়া কত
নিদ্ৰা যাহ সুখে।
পদ—— কিনা আঙ্গুলিত খাইলা কিসে
সৰ্ব্বাঙ্গে চান্দিলা বিষে
বিষ মোৰ উজান কুৱাই।
খাৰগাঠি ধৰিলা বিষে নাজানিলোঁ খাইলা কিসে
দাৰুণ বিষে মোৰ প্ৰাণ যায়॥
দিমাত ধৰিলা বিয়ে নাজানিলো খাইলে কিসে
কাল বিষ অগনি সমান।
আঠুত ধৰিলা বিষে নাজানিলোঁ খাইলে কিসে
দাৰুণ বিষে দগধ পৰাণ॥
উৰাতত ধৰিলা বিষে নাজানিলোঁ খাইলে কিসে
দাৰুণ বিষে পৰাণ বিদাৰে।
যোৰাত ধৰিলা বিষে নাজানিলোঁ খাইলা কিসে
কাল বিষে মৰণ আমাৰ॥
নাভিত ধৰিলা বিষে নাজানিলোঁ খাইলা কিসে
বিষ যায় পেটত প্ৰবেশ।
পেটে ভৈলা সঞ্চাৰ লখাই দেখে অন্ধকাৰ
খসি পৰে মনোহৰ কেশ॥
বুকুত ধৰিলা বিষে বিষ যায় উজান মুখে
ৰাম ৰাম বোলে লখিন্দাৰ।
