এই পৃষ্ঠাটোৰ বৈধকৰণ হৈছে
(ছ)
বন্দো কাত্যায়নী অসুৰ মৰ্দ্দিনী
শৈলস্থতা সুবদনী॥
বন্দো দাক্ষায়িনী কামাখ্যা ভবানী
দশভুজে অস্ত্ৰ যাৰ।
বন্দো মহেশ্বৰী নগেন্দ্ৰ কুমাৰী
বক্ষে শোভে পয়োধৰ॥
বন্দো সুভাষিনী জগত জননী
বীণাপাণি সৰস্বতী।
সঙ্কট সময় কৃপা কৰা আই
আমি অতি মূঢ়মতি॥
মঙ্গল দায়িনী অজ্ঞান নাশিনী
দিয়া শিৰে পদছায়া।
পকোৱা গ্ৰামস্থ মুকুন্দ কায়স্থ
আশে ভনে তব দয়া॥
বম্ শ্ৰীশ্ৰীশিবায়ে নমঃ।
বন্দো দেব পশুপতি বৃষভ বাহনে গতি
শূলপাণি শিব ত্ৰিপুৰাৰি।
বন্দো প্ৰভু ভোলানাথ ত্ৰিনয়ণ ভুতনাথ
উমাকান্ত কৈলাশবিহাৰী॥
