এই পৃষ্ঠাটোৰ বৈধকৰণ হৈছে
(গ)
গজ মূণ্ডধাৰী বিঘ্নিৰ কেশৰী
প্ৰণামোহো বাৰম্বাৰ॥
মাতৃ ভক্তি বলে আগে পূজা থলে
শিৱ যে পিতা তোমাৰ।
অবোধ মুকুন্দ মুকুন্দ শ্ৰীপদ
ভনিল আশে লাভৰ॥
শ্ৰীশ্ৰীগণেশায় নমঃ।
বন্দো প্ৰভু লম্বোদৰ ৰক্তবৰ্ণ কলেবৰ
চতুৰ্ভজ মুষিক বাহন।
বন্দো শূলপাণি সুত মহিমা যাৰ অদ্ভুত
এক দন্ত কুঞ্জৰ বদন॥
বন্দো বিঘ্ন বিনাশন ভাতৃ যাৰ ষড়ানন
সৰ্ব্বদেৱে কৰে যাক সেৱ।
তুমি অতি খৰ্ব্বাকৃতি শম্ভুসুত গণপতি
সিদ্ধিপ্ৰদ কৰা কৃপা দেৱ॥
বন্দো গিৰিজা কুমাৰ ৰূপ অতি মনোহৰ
পট্টবস্ত্ৰ শোভে যাৰ গলে।
বন্দো বিঘ্নিৰ ঈশ্বৰ শণিৰ দৃষ্টিত যাৰ
মুণ্ড চিঙি পৰে ৰসাতলে॥
