এই পৃষ্ঠাটোৰ বৈধকৰণ হৈছে
৯৪
দিহা :― (এ হে ৰে হা এ হে ৰে) চণ্ডী বোলে মনসা
চণ্ডী বোলে মনসা নকহা বৰ কথা।
তোৰ বোলে বেউলাৰ কোনে মুণ্ডাইবেক মাথা॥
পদ— ন্যায় পন্থ লভিয়া যদি ঘাতি হয় তাতে।
তাহাৰ উচিত দণ্ড কৰিবো সভাতে॥
আপুনাৰ গৰ্ব্বে তই কৰি আছা বল।
দোষ নিৰ্দ্দোষ নুবুজিলি ফলাফল॥
চণ্ডীকা সহায় ভৈলা ভৰষা ভৈলা মনে।
বেউলাই পদ্মাক কৰকচ বচনে॥
মোৰ দোষে তোমাক নাপায় কোন কালে।
আপুনি নিৰ্দ্দোষি হৈয়া থাক ভালে ভালে॥
শিৱৰ কুমাৰী তুমি নাম পদ্মাৱতী।
শত দোষ থাকিলেও তুমি মহাসতী॥
কলৰ পটুয়া যেন তুলসিৰ মালা।
উত্তম জনৰ গলে থাকে সৰ্ব্বকাল॥
শঙ্কৰৰ কন্যা তুমি এই গৰ্ব্ব কৰা।
তাহা নহইলে তুমি কি কৰিতে পাৰা॥
জীৱাইতে বিলম্ব আছে কৰ্ম্মৰ বিপাকে।
লাজ নাই নিলাজী আপুনি ভালে থাকে॥
ক্ৰোধে পেট ফুটে পদ্মাৰ বেউলাৰ বচনে।
কান্দিয়া কান্দিয়া কহে দেৱ ত্ৰিলোচনে॥
