এই পৃষ্ঠাটোৰ বৈধকৰণ হৈছে
(৮৭)
তাক বিয়া কৰাইবাক আনিলা মোমাই॥
কুপিত ভৈলেক চণ্ডী নাৰদৰ বচনে।
সিংহত চৰিয়া চণ্ডী চলিলা তেখনে॥
ত্বৰিতে গমণে গৈলা শিৱৰ গোচৰে।
লাগ পাই চণ্ডীকাই লাগে কহিবাৰে॥
}
দিহা :— (অহে ঐয়াকিৰে হে হা) ভাঙ্গাৰা কাৰ নাৰী
লইয়া আছা সভাৰ ভিতৰে।
পদ — চণ্ডী বোলে বুঢ়া তোৰ কথা আচৰিত।
আজি খাবাৰ ভাত নাই তোৰ কিসেৰ নৃত্যগীত॥
নাৰদ ভাগিনৰ কথা কভু মিছা নই।
ইহাৰ উচিত দণ্ড কৰিবোহোঁ মই॥
খাবাৰ নাই ভাত তোৰ চালে নাই খেৰ।
ঘুমাইতে নাই শয্যা পিন্ধিতে কাপোৰ॥
মৰাৰ আঙ্গাৰ ভষ্ম লিপা সৰ্ব্ব গাই।
মস্তক উপৰে তোৰ সৰপে ফোঁপাই॥
পিন্ধন বাঘৰ চাল ঠাইতে ঠাইতে চিৰা।
সৰ্ব্বক্ষণে খাই ফুৰা ভাং আৰু ধতুৰা॥
ঘৰৰ সম্পত্তি তোৰ বলধ এক গোট।
পানী খাইতে দুখ তোৰ ভাঙ্গা একলোটা॥
ঘৰত আচয় তোৰ মহা কাল ভীমা।
অন্ন বিনে তোহোৰ দুখৰ নাই সীমা॥
