এই পৃষ্ঠাটোৰ বৈধকৰণ হৈছে
৩৬
নীতিমালা
নতুন ধনীৰমান নাই অহঙ্কাৰী;
পিতা মাতা সম কোন আছে হিতকাৰী?
সকলো শোকত কৰি পুত্ৰ শোক বৰ;
মনোমত পত্নীশোক অতিগুৰুতৰ।
বিদ্যা সম বন্ধু আৰু কতো নাই নাই;
কঠিন বচন তুল্য, তিতা বস্তু নাই।
দুঃখৰ সহায় বন্ধু পাবলৈ টান;
ধনী নাই তাৰ সম, আছে যাৰ ধান
মাতৃহীন লৰা সম নাই দুৰ্ভগীয়া;
কৃপণ ধনীৰ সম, নাই অসুখীয়া।
ঋণ, ৰোগ, শোক, চিন্তা নাই শৰীৰত;
তাত কৰি আছে কোন্ সুখী সংসাৰত?
ৰোগৰ সমান শত্ৰু আৰু কোনো নাই;
এলেহুৱা লোকতকৈ কাপুৰুষ নাই।
ধৰ্ম্মৰ সদৃশ শুভ কাৰ্য্য একো নাই;
ধৰ্ম্মাশ্ৰয় বিনে নাই তৰণ উপায়। .
নিৰাশ্ৰয় বৃদ্ধা নাৰী অতীব দুখুনী;
তাৰ সম দুখী নাই নহলে সুগুনী।
৺বলদেব মহন্ত
