এই পৃষ্ঠাটোৰ বৈধকৰণ হৈছে
গোসাঁইৰ নাম।
(১)
বৃন্দাবনতে অই দামুৰি হেম্বেলাই
বান্ধে মথুৰাতে গাই।
হাততে কড়িয়া লই প্ৰভুদেৱ আছে ৰই
দামুৰিও মেলোতা নাই॥
বৃন্দাবন অচলা সসাঙ্গে ধৱলা
মধ্যে চলে ৰাম কানু।
মুখে বংশী বাই আঙ্গুলি বুলাই
বলে ফুৰা ধেনু চাৰি॥
কাকো নানিলা ৰাধাক আনিলা
ৰাধা বৰ সুভাগিনী।
কণ্টক বনতে লৰিব নোৱাৰি
কোলে লোৱা কৃষ্ণ স্বামী॥
কোলে লব বুলি আশ্বাস কৰিয়া
বৃন্দাবনতে ৰাধা পৰি আছে
আউল বাউল কৰি॥