পৃষ্ঠা:নামতি.pdf/৩৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩৬
নামতি



আই মোৰ কৈলাসত ভৱানী
আই মোৰ পাহ ৰান্ধিছিলে
আই মোৰ তামিলে সাঁচিলে দৈ॥

আই মোৰ খুৰীতে আনিছে
আই মোৰ জতি চন্দনে
আই মোৰ সবাকো যাবে পিন্ধাই॥

আই মোৰ আইলৈ আগে কৰি
আই মোৰ শুকুলা পিঠাগুৰি
আই মোৰ গোপিণীৰ মাননি গুৱা॥

আই মোৰ মহাদেউৰ মাননি
আই মোৰ বকুল নিৰেমালি
আই মোৰ অনাইছে বিমানৰ পৰা॥

আই মোৰ উজাই আহিলে
আই মোৰ আইৰে সাতে ভনী
আই মোৰ লুইতলৈ যোৱা॥

আই মোৰ অকলো মনিছে
আই মোৰ প্ৰাৰ্থণা কৰিছে
আই মোৰ মহাদেউ গোসাইলৈ চোৱা॥