এই পৃষ্ঠাটোৰ মুদ্ৰণ সংশোধন কৰা হৈছে
২৬
দ্বিতীয় অঙ্ক
নগৰৰ বিহুতলী
| মন— | লায়ক হ'লে কি হ'ব। হাকিম-মুন্সিকে ছোৱালী
পছন্দ কৰিব পাৰে, কিন্তু তোক মোক শাহ-শহুৰ বুলিবলৈ পছন্দ নকৰে। |
| মালতী— | আমাৰ নিচিনা মানুহৰ ঘৰত ওপজাটোৱেই তাইৰ দুৰ্কপাল। |
| ধনী— | সেইটো হওঁতে হয়। দুখীয়াৰ ভাল ছোৱালীলৈকো
ভাল দৰা নোলায়। ইফালে ডাঙৰ মানুহৰ ৰূপ-গুণ নথকা ছোৱালীয়েও বিদ্বান দৰা পায়। |
| মন— | মই মণিৰামৰ আপত্তিৰ কাৰণটো ভালকৈ নুবুজিলোঁ।ইংৰাজী পঢ়াৰ নিমিত্তেই ছোৱালী নষ্ট হ'লনে? |
| ধনী― | নাই হোৱা। পিচে সিহঁতক লাগে ধান বনা, পানী অনা গোবৰ পেলোৱা, ভূঁই ৰোৱা, মৰণা সামৰা, তাঁতি-সূত ব’ব জনা ছোৱালী। তুহখলিত জকাই বাই মাছ ধৰা আৰু জেঙনি-খৰি বুটলি ভাত ৰন্ধাৰ দিহা ও পাৰিলে কৰিব লাগেহে। ই অকল মাক-বাপেকৰ মত নহয়, ল'ৰাৰো মত। তোমাৰ ছোৱালীয়ে জানো এইবোৰ কৰিব পাৰিব? |
| মালতী— | নোৱাৰে। ময়ে কৈছোঁ নোৱাৰে। কটা! চহা যি চহাই ! মেট্ৰিক পাচ কৰিলে কি হ'ল! যিহে ভূৰ চেহেৰা,কথা বতৰা কাম-কাজো তেনেকুৱাই হে হ'ব। মোৰ ছোৱালীক তাৰ ঘৰত চাকৰণী দিবলৈ হে ইমান আলসুৱাকৈ তুলিছোঁ । এতিয়া গাৱঁতে সোমাই আছে দেখিছে, নগৰত থকা হ'লে মোৰ ছোৱালীক বাটৰ বাটৰুৱায়ো ৰৈ ৰৈ |
'
