পৃষ্ঠা:ধৰ্মপক্ষী.pdf/৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে


শুভেচ্ছাবাণী
 নলবাৰী জিলাৰ ঐতিহ্যমণ্ডিত বেলশৰ গাঁও নিবাসী বিশিষ্ট ওজাপালি শিল্পী শ্ৰীপ্ৰভাত হালৈ এগৰাকী লোক-সংস্কৃতিৰ শিল্পী। সংস্কৃতিৰ সাধনা কৰাৰ লগতে তেখেতে সাহিত্য চৰ্চাও অব্যাহত ৰাখিছে। শ্ৰীহালৈয়ে শেহতীয়া ভাৱে ‘ধৰ্মপক্ষী’ নামেৰে এখন গ্ৰন্থ প্ৰকাশ কৰিবলৈ প্ৰয়াস কৰা বুলি জানিব পাৰি সুখী হৈছোঁ। তেখেতে ইতিমধ্যে ৰক্তাক্ত ইতিহাস, বিল্বেশ্বৰ দেৱালয়ৰ আদিকথা, বিল্বেশ্বৰ, সৰাপাত, সৰাপাহি, জীৱন যুদ্ধৰ সংবাদ, জ্ঞান মঞ্জুৰী, মা দুৰ্গা, আধাৰশিলা, নীতিকথা, স্মৃতিৰেখা প্ৰমুখ্য কৰি দহ খন গ্ৰন্থ প্ৰণয়ন কৰিছে। শুকন্নানী ওজাৰ ডাইনাপালি শ্ৰীপ্ৰভাত হালৈয়ে সাহিত্য-সংস্কৃতিৰ সেৱা কৰাৰ উপৰিও বিভিন্ন অনুষ্ঠান-প্ৰতিষ্ঠানৰ সৈতে জড়িত হৈ আছে। সত্তৰোৰ্দ্ধৰ সংস্কৃতিবান ব্যক্তিগৰাকীৰ সৃষ্টিৰে সাহিত্য-সংস্কৃতি জ্যোতিষ্মান হওঁক। তাকেই কামনা কৰিলোঁ।