পৃষ্ঠা:দেৱজিত.djvu/৩৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩৯
দেৱজিত।

আবে কি কৰিবো শুনা দেৱজাক
 কহিয়ো মোত বুজাই॥
যদি ৰণে মই  অৰ্জ্জুনক মাৰোঁ
 হওঁ মই পুত্ৰ বধি।
এতেকে দেৱতা  গণে সবে মোক
 শিখায়োক সদবুধি॥১৮৩
অৰ্জ্জুনক মই  যতেক গৰ্জ্জিলোঁ
 শুনা শুনা দেৱগণ।
কৃষ্ণৰ লগত  অৰ্জ্জুন আসিলা
 বুলিলোঁ মই বচন॥
বাসৱে বোলন্ত  শুনা দিগপাল
 মোহোৰ বচন চয়।
অৰ্জ্জুন কাৰণে  নকৰিবো শৰ
 বুলিলোঁ মই নিশ্চয়॥১৮৪
কুন্তিৰ গৰ্ব্ভত  মোৰ বীৰ্য্যে জাত
 ভৈলা বীৰ ধনঞ্জয়।
মোহোৰ বিক্ৰম  মোহোৰ সমান
 বীৰ ত্ৰৈলোক্য বিজয়॥
ধনঞ্জয় বীৰে  যি কাৰ্য্য কৰিছে
 শুনা দেৱ নিৰন্তৰ।
শঙ্কৰক তুষি  ঘোৰ যুদ্ধ কৰি
 পাইলা পাশুপত্ৰ শৰ॥১৮৫