এই পৃষ্ঠাটোৰ বৈধকৰণ হৈছে
১৬
দামোদৰ ব্যাখ্যা।
আঠ গোট পৰ্ব্বত যে আঠ কোনে ধৰি।
একে পূণ্যে আঠ দিশে আছে লীলা কৰি॥
পাতালে বাসুকী পৰ্ব্বত তিন জনে।
একে পূণ্যে সঙ্গ কৰি আচয় যতনে॥
সাত খন ব্ৰহ্মাণ্ডত আঠ আঠ গিৰি।
একে পূণ্যে ৰক্ষা আছে জানা সত্য কৰি॥
পাতাল সম্প্ৰদা এক কহে জ্ঞানীগণে।
পাপ নষ্ট হৌক শুনিয়োক সৰ্ব্বজনে॥
যত বঢ়া টুটা দোষ ক্ষমিবা আমাৰ।
পুৰাণৰ অৰ্থ ভাণ্ডাৰত যে সাৰ॥
ঈশ্বৰৰ যশ কথা কহিছে যাহাত।
গুহ্য গুহ্য কথা যত কহিলো সমস্ত॥
ৰামৰায় শুধে কথা দামোদৰে কৈলা।
শঙ্কৰে শুধিলা কথা মাধবে তিকিলা॥
দশজক কাঠি হাতে হাতে দিলা।
সবাকে প্ৰণামি কৃষ্ণানন্দে যে লিখিলা॥
মোৰ যত দোষ মানে কৰা উপসাম।
নিৰন্তৰে নৰে ডাকি বোলা ৰাম ৰাম॥
⸻
