এই পৃষ্ঠাটোৰ বৈধকৰণ হৈছে
৩
দধি মথন।
অৱহেলা কৰিয়ে, দধি মথিয়ে, সকল লৱনু টুটাৱল্ল। তুহু সব আন কৃত্য কৰহ, আজু হামু আপুনে দধি মথন কৰব। যদি অধিক লৱনু পাউ, তেবে তোৰাসবক যে জানু তা কৰব।
সূত্ৰ
ওহি বলি যশোদা দিব্য বস্ত্ৰ অলঙ্কাৰ পৰিধান কৰিয়ে মালতী আদি নানা সুৰভি কুসুমে বেশলাস কৰিয়ে, নবীন কুঙ্কুমে কুচ যুগ মণ্ডিয়ে, কজ্জ্বলে নয়ন ৰঞ্জিয়ে, কৰ্পূৰ তাম্বুল ভুঞ্জিয়ে, যৈচন দধি মথিতে লাগল তা দেখহ।
গীত ৰাগ বৰাৰী (তাল যতি )
মথন মথে যশোমতী মাই।
হৰি গুণ গাৱত বয়নে মিলাই॥
পদ।
কঙ্কন হাৰ কুণ্ডলে গণ্ড ডোলে।
চৰণ মাজে মণি মঞ্জিৰ ৰোলে॥
মনোৰম ক্ষৌম বসন পৰিধানে।
কম্পয় কুচ যুগ ৰজ্জু সন্ধানে॥
উচ্ছল খোপা কুসুমে ৰঞ্জি কেশ।
কজ্জল নয়নে উজ্জল কৰু বেশ॥
আগহি নিজ তনয়ক দেখি।
ৰূপ বিনাৱত নয়নে নিৰেখি॥
