এই পৃষ্ঠাটোৰ বৈধকৰণ হৈছে
- সেউজী দ্বীপৰ দৰে আছে পৰি অ'ত ত'ত হাজাৰ বাগান,
- হাজাৰ বাগানে গায়, ওৰাৱঁ -চাওঁতাল-মুণ্ডা,
- শ্রমিকৰ মৃত্যুঞ্জয়ী গান।
- কুঁজা হৈ পাত তোলে, বিষ হয় ৰাজহাড়, তথাপিও মতাতিৰোতাই
- মিটিঙে মিছিলে ফুৰে, দাবী তোলে :
- “হামনিকেৰ মাঙ পুৰা কৰ্',
- ঝুমুৰৰ ছেৱে ছেৱে ওৰে নিশা নাচি পোহৰায়৷
- ডাৱৰে সাৱটি ধৰা পৰ্বতৰ শিলত খামুচি
- ফলৰ বাগিছা পাতি
- যিবোৰে সূৰ্য্যৰপৰা মনমোহা ৰঙ কাঢ়ি আনে,
- আৰু বতৰে বিদায় ল'লে, বঞ্চিতৰ ক্ষোভেৰে যিবোৰে
- গেলিযোৱা সুমথিৰা দলিয়ায় মন্ত্ৰীৰ মূৰলে’—
- দেখিছো তো সিহঁতকো
- পাইনৰ বননিত জোনাকত বজোৱা গীটাৰ।
- দুর্গম সীমাত আজি নগা-মিজো-আবৰৰ গ্ৰাম
- আপোনাৰ চোতালত অকণি আৰাম খোজে,
- অকণি বিশ্রাম।
- কেঁচা ভেটি পৰি আছে, বন্ধা নাই ঘৰ,
- প্রতীক্ষাত বৈ আছে খেতিৰ বতৰ,
- সিহঁতকো সেয়ে লাগে শান্তি আৰু মৌ-ভৰা পথাৰ,
- লাগে স্বাধিকাৰ।
- শান্ত ইম্ফলত আক' বাজি উঠে বৈষ্ণৱৰ খোল,
- ললিতকঠোৰে তোলে জীৱনৰ কল-কলৰোল।
- কাঁচিৰ মুখত কৰি অনাহাৰ দূৰ
- গাঁৱৰ ডেকাই মন কাঢ়ে গাভৰুৰ।৩৬