এই পৃষ্ঠাটোৰ বৈধকৰণ হৈছে
- লুইতপাৰৰ গীত
- সত্তাৰ লগত মোৰ সপোনৰ দৰে গঁথা
- চেনেহৰ একেখনি দেশ—
- মই ভালপাওঁ তাৰ বনৰাজিনীল পৰিবেশ।
- জাকি মাৰি জাৰকালি উৰি যায় বনৰীয়া হাঁহ,
- কমলাব কুঞ্জে কুঞ্জে মউমাখি মউ চুহি ফুৰে,
- বৰফৰ টুপী-পিন্ধা দূৰণিৰ ভুটান পাহাৰ,
- হঠাতে জিলিকি উঠে ৰ'দৰ চুমাত৷
- কেতিয়াবা আগবহাগত
- শিপিনী কাচোন কাচে জাপি থোৱা ৰিহা মেখেলাৰে,
- কমোৱা তুলাৰ দৰে কৃষকৰ উৰিবৰ মন,
- বহাগীৰ আমন্ত্ৰণ ফুলি উঠে নাহৰৰ ফুলাম শাখাত
- অজান লতাৰ গোন্ধে আমোলায় বাট।
- শাওণত শুনো মই যৌৱনৰ গান
- কলঙৰ কল্লোলত, পৰ্বতীয়া নিজৰাৰ সুৱলা ধ্বনিত।
- আলিদিয়া জুমখেতি বুকু পাতি ধৰি বাথে পানী,
- ভৈয়ামৰ ভিজামাটি সিবলু সিৰলু হয়
- নাঙলৰ ফালৰ মুখত
- লুইতৰ গতিবেগে ভাঁহি যায় গোটমৰা শিল।
- এয়েতো আমাৰ দেশ, শান্তিৰ নিবিড় নীড় অসম আমাৰ,
- উখলমাথল হিয়া দেখি মোৰ নদী বন ভৈয়াম পাহাৰ ৷৩৫
