এই পৃষ্ঠাটোৰ বৈধকৰণ হৈছে
- বাগিছাত দেওবাৰ
- বৰ মিঠা নাম বাগিছাখনিৰ। ৰূপাজুলি।
- এটি বনগীত পথাৰত যেন শুই আছে।
- চাহগছবোৰ ভৰপৰৰ গাভৰু-মেল;
- বতাহত নাচে অলেখ খোপাৰ চূৰ্ণ চুলি
- সেউজৰ স'তে থাপথোৱাকৈ গেৰুৱা ফিটা
- পৰি আছে যেন খেলিমেলি এটি বাট বেঁকা!
- ক্লাব-উন্মন বৰচাহাবৰ মটৰগাড়ী,
- এইমাত্রকে থৈ গ'ল তাত চকাৰ চেকা
- বৰকেৰাণীৰ চ'ৰাত মাংস সিজাৰ গোন্ধ,
- চুৰীৰ শৱদে ধুৱলী চাহৰ জাননী দিয়ে,
- জামাদাৰবাবু মতামহৰীৰ কাজিয়াখন
- তাচৰ মেলত ছিঙি দিলে আজি দেওবাৰে।
- ছদিনৰ কামজাৰিৰ ক্লান্তি মাৰোঁ বুলি
- ছুটী ল'লে আজি জীর্ণ-মলাট হাজিৰা-বহী,
- ছুটী ল'লে আজি অননিবননি ৰূপাজুলি
- উৰুঙা উৰুঙা হাটমুৱা এটি পখিলা মন।
- আজি কলঘৰ স্তব্ধ ৷ কামৰ তাগিদ নাই।
- ওখ চিমনিয়ে ডাৱৰক মাথোঁ আমনি কৰে।১০
