এই পৃষ্ঠাটোৰ বৈধকৰণ হৈছে
(১৩)
আউটে বুলিলে মাজতে যোৰা৷
মই যে নহলে হালোৱা খোৰা॥
এছাৰিয়ে বুলিলে বাঁহৰে লেৰু৷
মই নহলে নলবে নচৰে গৰু॥
কাতিয়ে বুলিলে সবাতকৈ চোকা।
মই নহলে মাটি নহয় বোকা॥
গৰুয়ে বুলিলে দীঘল নেজা।
মোৰ উপৰত সকলো ৰজা॥
গরুয়ে বুলিলে সবাতকৈ ডাঙৰ৷
মই নেটানিলে নুগুচে জাবৰ॥
গৰুয়ে বুলিলে দীঘল নেজা।
মই নহলে সকলো মিছা।
কথিলে মথিলে পুৱালে ৰাতি৷
হালোৱা ককাইয়ে মাৰিলে গাটি॥
কোৰে যে বুলিলে মই ঘৰৰ বুঢ়ী।
মই পেলাওঁ কাষৰ কুৰি॥
মৈয়ে বুলিলে বাহৰে এফাল।
মই যে কৰো মাটি শীতল॥
দলিমৰাই বুলিলে কাঠৰে দণ্ডিৎ।
মই নহলে মাটি নহয় শীত॥
জবকাই বুলিলে সবাতকৈ মানী।
মই যে পেলাওঁ জাবৰ টানি॥
বিন্ধাই বুলিলে হেলোকা দতা।
মই যে নহলে ধান হয় বটা॥
(২)
