এই পৃষ্ঠাটোৰ বৈধকৰণ হৈছে
দুখৰ দিন আৰু কিছু সংলাপ
এক
জোনাকৰ কুলাই-পাচিয়ে নধৰা দুখ
ৰাতিৰ অহংকাৰ
পৃথিৱীৰ ওঁঠৰ মৌন কান্দোন লৈ উৰি যায় জাক জাক চৰাই
পোহৰ ক’ত পোহৰ
শোকাকূল দিনৰ টিপচহী লৈ
এই নৈত তেজৰ এসোঁত
দুই
হৃদয় পুতি বুকু উদঙালোঁ সভ্যতাৰ গাত বিধ্বংসী পোছাক
শুকান শলিতাক তেজ লাগে এচাকি দুচাকি চাকি চাকি
সেই পোহৰৰ তুমি খৰিদ্দাৰ বা বিক্ৰেতা
সস্তা সকলোতকৈ তেজেই সস্তা
তিনি
উপাধিক সুধি-পুচি যদি মৃত্যু আহে অথবা ক্ষমা
তোমাৰ সন্তানক কি উপাধি দিবা
সেন্দুৰত দীঘল জীৱন বোৰখাত চুটি
অথবা তাৰ সম্পূৰ্ণ ওলোটা
নঙঠাই সাজ হ’ব সাজ পিন্ধা উলংগ লোকৰ
নিৰাপদ সাজ
নুফুটে তাত ভয়াৰ্ত প্ৰাণৰ দুখৰ অত্ৰাণি
৭৬//তটিনী তীৰৰ খেলা
