পৃষ্ঠা:তটিনী তীৰৰ খেলা.pdf/৬৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

নৰক-বিষাদ


পৃষ্ঠভূমিঃ

যৌৱন সৃষ্টি-সামৰ্থ্যৰ অন্য নাম
সৰগত ফুলাই পাৰিজাত
সময়েৰে বিভ্ৰান্ত হ’লে দূৰন্ত যৌৱন
বহুতকে দিয়ে নৰক-বিষাদ

তোমাক সুধিছোঁঃ

বাট এতিয়া সুবাট?
নিৰুদ্দেশ ভাল লগা দিন
সচেতন হৈ জীয়াই থকাতো তোমাৰ দুখ
মুঠিত সুদিনৰ ভাপ নে দুৰ্দিনৰ সাপ

বাটে-ঘাটে আৰুঃ

বাট ঘাট গাঁও চহৰ আলিবাট সকলোতে অস্থিৰতা
নিয়ম ভঙাৰ নিয়মেৰে উত্ৰাৱল বে-পৰোৱা বয়স
সিহঁতৰ চকুত আশ্বৰ্য কঠিন ভাষাৰ স্বৰলিপি
উন্মাদ আকাশ বতাহ আৰু কাৰোবাৰ দিনলিপি

তুমি লৈ ফুৰানে চেতনাত লেকামৰ নিয়ন্ত্ৰণ
ব্যতিক্ৰমী যুৱকৰ পুথিভঁৰালতে সন্ধিয়া নামিলে
কৈ যায় আধুনিকাই
কিতাপৰ পোকৰ ৰোমান্স নাই— আউট্‌ডেটেড্

৬৬//তটিনী তীৰৰ খেলা