এই পৃষ্ঠাটোৰ বৈধকৰণ হৈছে
বলিশাল
বলিশালত খণ্ডিত ঈশ্বৰ— ভয় আৰু অভয়
অভয় মুদ্ৰাত দেৱতা
ভয় কাৰ
বলিৰ নে বলি দিয়া কলিজাৰ
বুকুত এটা হাওৰিয়াই থকা বাঘ আৰু
চালনীৰ ফুটা যেন অন্ধবিশ্বাস
তেজৰ নৈত কল্যাণকামী মানুহে ধোৱে হাত
বলিৰ আগেয়ে ডিঙিত অৰ্গল মুখত কল
লোভৰ তেজেৰে ভৰে শিলৰ খাৱৈ
সিদিনা বলিশালৰ ছাগলীটোৰ চকুত মোক দেখিলোঁ
শতিকাটো শুই আছিল বলিশালৰ চোতালখন হৈ
য’তে ত’তে বলিশাল
বিস্ফোৰণত ছিগি পৰা অংগবোৰ
ঠোঁট পখালি ৰমলিয়াই থকা কাউৰীবোৰ
মোৰ দুচকুত লাগি আছে নৰকৰ অভিশাপ
বুকুত বলিশালৰ পঠাটোৰ নুফুটা আৰ্তনাদ
(২০০২)
তটিনী তীৰৰ খেলা// ২৭
