এই পৃষ্ঠাটোৰ বৈধকৰণ হৈছে
বিচ্ছিন্নতা
বিফল বাসনাত সিহঁতে আকাশ ভগাওঁতে
তেজ বতিয়াই শেতা পৰে পোহৰৰ দেহ
আত্মাত এঙাৰ বৰণ
অন্ধত্বত অৰণ্যৰ প্ৰতিজোপা গছ
দীঘল নিশাটোত
উচুপি উঠিল আঘোণৰ আকাশ
ধানৰ সলনি শিল
অৰণ্যৰ এন্ধাৰত জোঁৰ লৈ তৰাবোৰ
জোনাকীৰ জাক
টিপ্টিপ্ পোহৰে গুচাব নোৱৰা
এন্ধাৰৰ জাল নে
যাদুকৰী হাতৰ মায়াজাল
চকুলো বৈ নলাবোৰ নৈ
ক’লা পানীৰ সোঁত
কলীয়াপানীলৈ সোঁত
চয়তান নাৱৰীয়াৰ বিস্তীৰ্ণ পাল
অলপকৈ জিলিকে পোণা মাছৰ পেটবোৰ
ডাঙৰ মাছৰ ফিছাই কোবাই
কণা চকু আৰু
তৰাং পানী
(২০০৪)
২০//তটিনী তীৰৰ খেলা