পৃষ্ঠা:তটিনী তীৰৰ খেলা.pdf/১৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

ফাট

বতাহেও বিনায় উছন গাঁৱৰ দুখ
ককাৰ কান্ধত উঠি শৈশৱতে চালোঁ গৰা খহা ফাট
শিমলুডৰা ওপঙি যোৱা বিধ্বংসী ইতিহাস

মুষলধাৰ এন্ধাৰত কিমান যে দেখিছোঁ আকাশত ফাট
বজ্ৰপাটত মৰা টিকিৰাইৰ পত্নীৰ নিঠৰ মাত

সাঙীত যোৱাৰ আগেয়ে পিতায়ে দিয়া
কামিজটোও আছিল ফটা
ফাটৰ যাতনাই টানি থাকিল তলিয়ৰিলৈ ওৰেটো জীৱন

সকলোবোৰ ফটা— শুকান পথাৰ দলং জাতি মাটি ভেটি
ফাট যোৰোৱা টাপলিমৰাৰ ভিৰ

ধৰ্মৰ ফাটত পৰি কক্‌বকায় এডিঙি ঈশ্বৰ
ফাটতে জাহ যায় ঈশ্বৰলৈ মেলি দিয়া হাত
কোনে বচায়

তটিনী তীৰৰ খেলা// ১৭