এই পৃষ্ঠাটোৰ বৈধকৰণ হৈছে
প্ৰেমহীনতা
দিয়া-লোৱাৰ হাটত
জাতিবাঁহৰ আখিৰ দৰে প্ৰেম
চকুৰে মাতি ভৰিৰে আগচি ধৰে বাট
সোণমইনা,
তই কেঁচুৱা হৈয়েই থাক
ইয়াত শৰীৰ ফুলে
দেহে মলেমলায়
ৰাতি ফুলা ফুলৰ বাগিছাত সাপ
মন-ফুল ক’ত?
শৰীৰবোৰ তিতে দোকোল-টকা বান
বুকুবোৰ ইমান খৰাং
খৰাঙৰ ভাঙিবলৈ ভেম
পানীৰ বাবে খান্দিবি কিমান
শিলনিত নাদ
পশ্চিম আকাশৰ পৰা আহি আছে শেন
চোঁ মাৰি ফালে মন নিলীমাৰ সৰু-বৰ চিলা
জুম বন্ধা ভৰি গিৰিপ্-গাৰাপ্
জোতাৰ তলত হালধীয়া পাত
প্ৰেম যৌৱনৰ উজ্জ্বলতম হেঁপাহ
জীৱনৰ চৰম আপোন
অচিন তলুৱাত
নিজক নেহেৰুৱাবি সোণ
৫১
