এই পৃষ্ঠাটোৰ বৈধকৰণ হৈছে
সাম্প্ৰতিক
বেলি উঠা দেশৰ মানুহ
আঁজুৰি নানিবা সূৰ্যাস্তৰ ৰং
আকাশ চকলা-চকল, পাহাৰ ফালি থোৱা আপেল
নৈ-নিজৰাত তেজ ধোৱা মাংস বুৰা দুখ
খনেখনে সৌৰমণ্ডল
আকৰ্ষণ-বিকৰ্ষণ- মহাকৰ্ষণ আৰু সংঘৰ্ষ
গ্ৰহৰ পৰা গ্ৰহলৈ সংক্ৰমণৰ জুই
পুৰি মৰে, নুমায় নিঃসংগ নক্ষত্ৰ
সকলোৰে নিজা নিজা বাট, সেয়ে বাটকেঁৰা লাগে
ইমান ভেদ! পানী আৰু ৰঙৰ, দলং অকে খুটাৰ
কণ্ঠ আৰু গানৰ, দেহ আৰু প্ৰাণৰ জানো ভেদ থাকে?
আইৰ গৰ্ভৰ ভাষা নুশুনে দেউতাই বাট দেখুওৱা শিশু
জীৱনৰ সন্ধানত মৃত্যুলৈ হাত
কি নাম থওঁ যাতনাৰ পাছত যাতনাৰ
আদিম অথবা খিলঞ্জীয়া
কুটুম বুলিলে লাজ পাওঁ,
পীৰাত বহি কুঠাৰ মৰা মজিয়া
ঘৰবোৰ ছাই, মানুহ কেতিয়াবা পঠা কেতিয়াবা কচাই
এনে হোৱাৰ কথা নাছিল, কিহৰ পৰা কি হ’ল
মনবোৰ আউল লগা তাঁত
বঢ়াই দিয়া চোন শিপিনী দুহাত
৩৬
