এই পৃষ্ঠাটোৰ বৈধকৰণ হৈছে
দেখাই দেখে তোৰ নাঙঠ যৌৱন
বুকত তোৰ উদং হৈ আহে
পলিথিনৰ জুপুৰীৰ ভিতৰখন
মহঙা কেৰাচিন আন্ধাৰৰ চঁছালিত
উজাগৰ ৰাতি দেখনে সপোন –
ল’ৰাটোৰ হাতত ফলি-পুথি
টিন পাতৰ এখন চাল
তাতে জুনুকা পিন্ধা শিশুৰ দৰে এজাক বৰষুণ
নিৰ্বিঘ্ন ঘুমটিৰ এটি দীঘলীয়া ৰাতি .........
উৰুখা চালেৰে টিনৰ টেমাত
মেঘে গলায় তোৰ সাঁচতীয়া লোণ
ৰ’দলৈ সিও এটা বাট
আকাশত আন্ধাৰৰ সিপাৰে জুমি চাব পাৰি
জীৱনৰ জোন
৩৫