এই পৃষ্ঠাটোৰ বৈধকৰণ হৈছে
পাঁউৰি
লুহীয়া ফালি পাঁউৰি পাতিলি
উজান উঠাৰ বাট
পিছে ‘দিলোঁ লাও গজিলে তুৰৈ ........’
পাঁউৰিত অজগৰ সাপ
ল’ৰাটোৰ ফিজ কুৰি টকা
মানুহজনীৰ ঢৌ-ছিটা ৰিহা
হেদালিত লাওৰ দুখিলাহে পাত
কালিলৈ দেওবৰীয়া হাট
সোঁৱে নাযাবি
ৰজাই পানী তোলা ঘাট
বাঁৱে নাযাবি
অশুচি দেহা-মন্দিৰৰ কৰাপাট
আগত পানী পিছত জুই
সপোন নেদেখিবি
দিনৰ পাহাৰ ৰাতিৰ জুই ........
পিছে শুই থকাটো অপৰাধ
নৈয়ে তিয়ালে
ৰ’দত শুকুৱাবি
পাঁউৰি সজা দুহাত
১৮
