পৃষ্ঠা:ঢৌ.pdf/১৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে


সুখত আছোঁ বুলি কেনেকৈ কওঁ
কি যাতনাত লাও, গৰু, পাচিৰ সলনি
পিতৃয়ে বজাৰত বেচিবলৈ আনে
আত্মজ, নাবালক

দুখত আছোঁ বুলি ক’বও নোৱাৰোঁ
ৰাজ পথৰ কাষে কাষে
প্ৰতিদিনে বাঢ়ি আহে
নৱ নৱ প্ৰকাণ্ড প্ৰাসাদ


কন্যা-কাল
নেজানিলে বহুত ভাল
ৰাঙলী আকাশে ভুমুকিয়াই বান্ধে
দেও দিয়া ভৰিহাল


কেতিয়াবা সহযাত্ৰী হওঁ
উজনি বা ভটিয়নীত নাও
নাৱে ফালে নৈৰ চুলিত সেওঁতা
এখন তলিতে দেহবোৰ থওঁ
সমস্বৰে গাওঁ বিশ্বাসৰ নেওতা
‘পাৰ কৰা ৰঘুনাথ ....... ’


কল খোৱা বাদুলি কোনে কঁড়িয়াই
দিশহীন কাঁড়ে মাৰে শোৱনী কোঠাত খোঁচ
আন্ধাৰ বৰ বিভ্ৰান্তিকৰ
তই নিচিন মোক

১০
কোন আলহীলৈ গঁৰালৰ হাঁহিনী
হাতত এখৰাহী ধান
কিয় নেদেখ অনাহাৰে থকা আপোন সন্তান

১৬