এই পৃষ্ঠাটোৰ বৈধকৰণ হৈছে
অন্য দিন অন্য ভাবনা
১
খাবলৈ আছিল, লঘোণে থাকিলা
দিবলৈ আছিল, নিবিচাৰিলা
এতিয়া শুদা হাতে যাবা
কেনেকৈ পঠাওঁ ........
২
ভাদত কুঁলী আহাৰত শেৱালি
প্ৰেমো এতিয়া আহাৰ-পানীয়
অথবা কোকেইনৰ দৰে
৩
বৰ দুখেৰে আছোঁ তেজিমলা
চাকৰি বাদেই
মৰমৰ বাবে লাগে এখৰাহী ধন
৪
কবিতাই ৰমণ কৰা সগৰ্ভা বুকুত
কিমান সে ভাৰ বৈছোঁ আৰ্তনাদ
পৃথিবীৰ অসুখ
মই বেচোঁ তোৰ ওচৰত সমস্ত দুখ
কবিতা
আজিৰ ৰাতি আকৌ কন্দুৱাবি মোক
৫
মৌনতা প্ৰেমৰ বিমূৰ্ত প্ৰকাশ
লুকুৱাই থৈ
সংগোপন নৈ বেগতিক বতাহ
দৃষ্টিৰ ফিৰিঙতি যেন অলেখ পৰুৱা
কুটি খায় চেতনাৰ স্বাধীনতা
নুফুটা শব্দ লৈ ঘূৰি ঘূৰি প্ৰেমৰ চৌপাশ
ক’ৰ বতাহ ক’লৈ আহে
নেদেখা হাতে বাউলি মাতে ........
১৫
