পৃষ্ঠা:ডৰিয়লি.pdf/১০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

 ডঁ‌ৰিয়লি

 গাৰ পৰা সুলকি পৰা মোৰ ছাঁ
 কেতিয়াও আৰু
 উভতি নাহে


 শেলুৱৈয়ে ধৰা এচটা শিলত
 বহিবলে’
 লুংলুঙীয়া বাটেৰে
 ক’ৰবালে গুচি যাবলে’
 মোৰ স’তে নিজানত উচুপিবলে’
 উছাহৰ আনন্দত কঁপিবলে’
 কেতিয়াও আৰু উভতি নাহে মোৰ ছাঁ


 প্ৰাচীন এচটা শিলত
 তৰোৱালতকৈ তীক্ষ্ণ
 এটা সপোনৰ ধাৰেৰে
 মই মোক দুছেও কৰিছিলোঁ
 এফালে মই
 আনফালে মোৰ ছাঁ


 এতিয়া যেতিয়া
 নৈৰ ধল হেন
 অপাৰ কাৰুণ্যত ভাহি যাওঁ
 মাছে খুঁটিয়াই থকা
 ধ্ৰুৱতৰাৰ প্ৰতিবিম্বৰ দৰে

১১৭