এই পৃষ্ঠাটোৰ বৈধকৰণ হৈছে
৫৪
জনকাব্য
ভৰালৰ টুপতে কেৰেলা বগালে,
কোমোৰা বগালে চালত।
কৈ আহিছিলোঁ শহুৰৰ জীয়েকক,
নেৰিবা দুখৰে কালত॥ ২৬৬।
জাকৈ খালে খালে বালি, ঐ লাহৰী,
খালৈ খালে খালে বালি।
বিৰিনাৰ তলতে তামোল থৈ আহিলোঁ,
হেৰা পালোঁ বুলি খালি॥ ২৬৭।
এঙনি-জেঙনি দেখিবলৈ শুৱনী,
কাকিনী তামোলৰ ঠোক।
মুখৰ তিৰবিৰনি গাৰ জিলিকনি,
কেনেকৈ পাহৰোঁ তোক॥ ২৬৮৷
আহোঁ কেঞাবনে, যাওঁ কেঞাবনে,
কেঞাবনে কাটিলে গা।
ঠুৰিয়া তামোলত আহুদি কৰিলাঁ,
পানীত পৰি নুজুৰায় গা॥ ২৬৯।
আগলৈ এখুজি কৰোঁ, ঐ মইনা,
পিছলৈ এখুজি কৰোঁ।
যেতিয়া তোমালৈ মনত পৰি যাব,
খোজত হুমুনিয়া কাঢ়োঁ॥ ২৭০।
