এই পৃষ্ঠাটোৰ বৈধকৰণ হৈছে
১৬৭
পুতলি
বৰবৌ, সৰুবৌ, ধুন্দুলি পাৰি দিয়া খাওঁ।
ধুন্দুলি পাৰোঁতে, কঁকালটো ভাগিলে,
তাকে জোৰাবলৈ যাওঁ॥
⸻
লিকিলিকি ডিমৰুৰ চিকিচিকি পাত।
ডিমৰুৰ ওখ গছ, ডেৰশ হাত॥
⸻
একৈ দুকৈ লৰা ধৰা। বেত বাঁহৰ যতৰ-শলা॥
শ্যাম চুম, চৰাই দিম। কাঠৰ নাঙল, মহৰ শিং॥
খাপি থুৰি। ঊনৈশ কুৰি॥
⸻
সবাও, সবাও! চুণ-পাণ লগাওঁ।
একে মুঠি আৰৈ চাউল, ভকত জনাওঁ॥
এই তিনটি আৰৈ চাউল, এইতিনটি কল।
তালৈকে হালিজালি চাপৰিখন ধৰ॥
⸻
খৰি খৰি খৰি। বজ্ৰৰ খৰি।
খৰিয়ে মেলিলে পাত।
আই সৰস্বতী কণ্ঠত থাক॥
⸻
সৰস্বতী, সৰস্বতী, কণ্ঠৰ গোলাপী, ভোগে বিলাসী।
লোকে বোলে সৰস্বতী, আমি বোলোঁ আই।
যিখিনি পাহৰোঁ দিবা সোঁৱৰাই।
⸻
কলে মেলিলে ঠোৰ। কথাৰ পৰিল ওৰ॥
কঠালে মেলিলে মুচি। যাওঁ ঘৰাঘৰি গুচি॥
তামোলে পেলালে ডাবি। কোন কলৈ যাবি॥
⸻
কাউৰী গ’ল, গধূলি হ’ল।
আমাৰ চাউলকঠি মুকলি হ’ল॥
⸻