এই পৃষ্ঠাটোৰ বৈধকৰণ হৈছে
১২৯
বিহুৱতী
ঢোলৰ নাজান ছেও, ঐ ঢুলীয়া
পেঁপাৰ নাজান ছেও।
নাচনী ছেওকে মাৰিব নাজান,
কানেদি মাৰি যাওঁ ডেও॥ ৬৮৫।
পেঁপা ছেও ধৰি বাবি, ঐ পেঁপুৱা,
পেঁপা ছেও ধৰি বাবি।
বৰকৈ নাবাবি, খৰকৈ নাবাবি,
নাচনী ছেওকে বাবি॥ ৩৮৬।
নাচোঁতে উৰিবৰ ধূলি, ঐ বহনা,
নাচোঁতে উৰিবৰ ধুলি।
বেইতা পৈয়ে মোৰ চায় জুমি জুমি,
মোৰ জনী আহিছে বুলি॥ ৬৮৭।
ঢোলৰ হেঙুলীয়া মাৰি, ঐ লাহৰী,
ঢোলৰ হেঙুলীয়া মাৰি।
লুইতত চাপিলে ভাপ-নাও এখনি,
চলায় পৰবতত গাড়ী॥ ৬৮৮।
ঢোল বায় ঢুলীয়া, তাল বায় তালীয়া,
কাৰ ঘৰৰ নাচনি নাচে।
ওচৰ চাপি চাপি নাহিবা, নাচনী,
তোমাৰ গাত মোহনি আছে॥ ৬৮৯।
