এই পৃষ্ঠাটোৰ বৈধকৰণ হৈছে
১১৬
জনকাব্য
হেৰা হুচৰি, গাইছোঁ খুচৰি,
পৰ্ব্বতত শুনি যাওঁ ৰিঙ্ ঐ, গোবিন্দাই ৰাম॥ ৬২০।
⸻
বিহু-ঘোষা
দ্বাত্ৰিংশ অধ্যায়
দেউতাৰ বৰঘৰ দেখোঁতেই ভয়ঙ্কৰ,
শৰণ খেৰ-এ মেলি চায়।
ন শ গাঠনিত মুগাৰে বটীয়া,
সৰিয়হ পিচলি যায়॥ ৬২১।
দেউতা ওলালে বৰ চ’ৰাৰ মুখলৈ,
দুলীয়াই পাতিলে দোলা।
কাণত জিলিকিল নৰা-জাংফাই,
গাত গোম্চেঙৰ চোলা॥ ৬২২।
জোনৰ তামুলী তৰা, লগৰীয়া, .
জোনৰ তামুলী তৰা।
স্বৰ্গদেৱৰ তামুলী গন্ধীয়া ফুকনে
মাতে তাওকাকৰ পৰা॥ ৬২৩।
পূবেদি ওলাবৰ ৰণু, সমীয়া
পূবেদি ওলাবৰ ৰণু৷
সুন্দৰ বৰগোঁহাই ৰণলৈ ওলালে,
আটাই ঘূনে খোৱা ধনু॥ ৬২৪৷
