পৃষ্ঠা:টেটোন তামুলী.pdf/৬৪

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
তৃতীয় পট,—ফুকনৰ বিলাহ-ঘৰ।
(দুজনী গায়িকা লিগিৰীয়ে নাচি নাচি গীত গাই থাকে)
মিশ্র মুলতান-একতালা।

কি সুন্দৰ শােভা ধৰে আজি দেহি অই।
চেনেহা-চেনেহী আহা, যুগল মূৰতি অই ।।
   প্রাণে প্রাণে প্রাণ মিলি
   ৰয় কেনে হালি-জালি ;
দেখিলে জিৰণি পায় তাপিত পৰাণে অই।
   আধা অঙ্গ আধা হিয়া,
   হল আজি একেটীয়া ;
বাঢ়ে যেন দিনে দিনে বিচ্ছেদ নঘটে অই ।

(টেটোন-চম্পাৱতীৰ প্ৰৱেশ; বৰগাৰু দি পাৰি থােৱা চামৰ পীৰাত দুয়াে যােৰাপতি বহি নাচোন চাই চাই গীত শুনে ; লিগিৰীয়ে দোহাৰি ২ গল আৰু নাচে।)

⸺>●<>●>⸺
যৱনিকাপাত
⸻⸻