পৃষ্ঠা:জুৰণি.pdf/৬৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
জুৰণি।
৭১৬(ণ)
 
সত্যনাথ বৰা।

সত্যকই সত্যনাথ সাহিত্য-সেৱক,
মাতৃভাষা-মজিয়াত পীৰা পাৰি লিখা
নিমজ নিভাঁজ ঠগে' জাতীয় লেখক;—
স্বদেশীয়া দাপোনত আত্মৰূপ দেখা।
ভাবত গভীৰ সুৰ, ভাষাত ঘৰুৱা,
বাজত সৰল সাজ, ভিতৰি জটিল;
প্ৰাচ্য-পছিমীয়া ঠাঁচ্‌, বিষয় সাৰুৱা,
চিন্তা-আলোচন নোহে অকণো কুটিল।
সাহিত্য-কঠীয়াতলি 'উষা’-'জোনাকী'ৰ
সেউজীয়া পথাৰত গ্ৰন্থ-ৰোৱা ৰই,
নদনবদন শস্য আই অসমীৰ,
ভৰালাঁ ভঁৰাল তুমি আদৰুৱাকই।
পাঙিছিলাঁ আৰু যিবা নেদেখা কালিৰ,
লগতেই লয় পালে অকালত অই!

⸺○⸺