এই পৃষ্ঠাটোৰ বৈধকৰণ হৈছে
৭১৬(ঢ)
জুৰণি।
পিতৃ-অনুকৃতি মুখ,—'সূৰ্য তনয়',
মাতৃ-অনুকৃতি ওঁঠ,—'আইকণ’ ভনী;
তোৰো এটি ভনী স’তে পুত্ৰ-কন্যাদ্বয়
কৰি লাভ বিমোহিত জনক-জননী।
এৰি গল ভনীটিয়ে, অকালত সৰি,
ৰই গলি 'মইনা'টি টোপা থুপিটিত;
একেটি সন্তান তোকে আঁকোৱালি ধৰি,
সন্তাপিত পিতৃ-মাতৃ আতি হৰষিত।
কানসমনীয়া ডেকা হলি যেবে তই,
‘হাকিম’ বিষয়া-বাব,—পিতৃৰ সমান—
বাছনিত কৰি লাভ, যোগ্যতৰ হই,
ৰাখিলি সুদৃঢ় কৰি বংশৰ সুনাম।
আছোঁতে কুটুম্বে চাই তোৰ যশই,
আচম্বিতে অন্ত তোৰ তনুটি সুঠাম।
