পৃষ্ঠা:জুৰণি.pdf/৫১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
জুৰণি।
৭১৬ (খ)
 
মাতৃ মোৰ।

জনম-জঠৰধাতৃ আই-মাতৃ মোৰ,
স্তনদাতৃ জীৱনৰ জীপ্‌ প্ৰদায়িনী;
পৃথিবীত মানৱীৰ প্ৰথমা মুখানি
প্ৰথম দৰ্শনে যাৰ, হল প্ৰাণ জুৰ।
মৰতত স্বৰগৰ স্নেহ উপভোগ,
জয়ে-জয়ে যাৰপৰা লাভ সংসাৰত;
পীয়ুসীয়া হিয়া চুমি জন্ম-ভাগৰত,
জুৰণি অমৃত পান, প্ৰথম সম্ভোগ;
যাৰ স’তে চাৰিচকু পোনে মিলা-প্ৰীতি,
—জগতীৰে কথা পতা চকুৱে-চকুৱে,—
সংসাৰৰ সুখ-দুখ, গুপ্ত ৰীতি-নীতি,
মায়া-মোহ, বিকাশিলে নিমাতীৰ ৰাৱে,
সেই মোৰ মায়াময়ী চেনেহী প্ৰসূতী;—
নমো নমো মাতৃ মোৰ নমোঁ তৱ পাৱে।

⸺○⸺
আইদেউ ‘আইকণ’।

মাতৃ-অনুকৃতি মোৰ প্ৰাণৰ ভনীটি,
আছিলাঁ জিলিকি, আই, 'সূৰ্য্য'-পোহৰত;
দাম্পত্যৰ ফললাভ পুত্ৰ-কন্যা দুটি;—
হেৰাল দুয়োটি হাঁয়, ঘোৰ অকালত।