পৃষ্ঠা:জুৰণি.pdf/৪৮

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


ওপৰঞ্চি।
⸺○⸺

লগাই-দিয়া।—
সংসাৰহাটৰ ভাও যেনে চৰাচৰি,
ওপৰঞ্চি টানি ধৰা তেনে বঢ়াবঢ়ি;
বেহায় যি লাখ টকা, আঁজলি ঘূৰায়;
সিকীয়া বেহাই টানে কড়া, ক্ৰান্তি পাই?

⸺○⸺

উপৰি-আলাপ।—
ভালেদিন পাচে দেখা, দীৰ্ঘ আলাপন
নহওঁতে এজনৰ, আনে আৰম্ভণ;
সংসাৰী উদ্দেশ্যে টনা বিদায়ৰ মল,
ওপৰঞ্চি আলাপত ঘূৰি নিমগন!

⸺○⸺

পুনশ্চ।—
হিয়াৰ ঠিহনি ভাব বাজত মেলাই,
পত্ৰৰ দুপিঠি জুৰি কাপেৰে চলায়;
নুফুটিল তথাপিতো হিয়াভৰা ভাব,
'পুনশ্চ' নহলমানে লিখা টীকা-চাব।

⸺○⸺