পৃষ্ঠা:জুৰণি.pdf/৪৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
৭১২
জুৰণি
 

সৰু-বৰ।—
পশুৰাজ বন্দী হাঁয়, জৰীৰ জালত;
নিগনিৰ ক্ষুদ্ৰ দাঁতে উদ্ধাৰে কালত।

⸺○⸺

ক্ষণ।—
দিনটো সম্পদে যায়, ক্ষণটো নাযায়;
ক্ষন্তেক ছেগত ধৰে বিপদে মেৰাই।

⸺○⸺

সৰুটি।—
ভোঁহৰক ধৰে ভেটি, সুৰুঙা নেপায়,
বেজী-আগে পায় বাট কঁঠাক ভেদাই।

⸺○⸺

কচুৱাত কোমলতা।—
ছাগৰ ডেডনি চোকা, অসুখ আমনি
ম'হৰ নাকনি মাত, মৰম বুজনি।

⸺○⸺

মূল-শক্তি।—
অকাই পাই বেঁতে ৰাখে জোৰা আটি
নহলে নিসিজে কাম ক্ষুদ্ৰ মোচোৰাটি।

⸺○⸺