পৃষ্ঠা:জুৰণি.pdf/৩৯

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
জুৰণি।
 

পাক খোৱাত বাজে নেলাগে, নেভাবে;
সভ্যতাই কেতিয়াবা চায় ঈৰ্ষাভাৱে!

⸺○⸺
সৰু আৰু বৰ।

জোনে কয় হাঁহি মাৰি, “ক্ষুদ্ৰ তই তৰা,
দেখ্‌চোন, কেনে মই উজ্বলিছোঁ ধৰা।”
তৰাই সম্ভাষে,—“আমি আতিকই সৰু,
আপোন দীপ্তিৰে নিতে সৃষ্টি শোভা কৰোঁ।

⸺○⸺
নিৰ্জ্জীৱৰ জীৱ।

সময়ে সমান ভাৱে আহে আৰু যায়,
অগণন কৰে কাম, গা নেদেখায়।
ঘৰীৰ একেটা কাম,—সময় দেখায়,
টক্ টক্ টক্ সদা, জীৱন্ত বোলায়!

⸺○⸺
যথাৰ্থ বল।

ঘোঁৰাৰ বেগত বাগী, বেগী নাম পাওঁ,
পৰৰ যশস্যা পিন্ধি গৌৰৱ বঢ়াওঁ!—
মোক যা বেগায় কোনে, নেভাবিলাঁ বাগি!
নিৰ্দ্দোষী ঘোঁৰাক কিয় কৰাঁ লাজ-ভাগী!

৭০৫